शहरातील सायकल ट्रॅकच्या कामात झालेल्या भ्रष्टाचाराची सखोल चौकशीच्या मागणीसाठी भाई अमन यांचे जिल्हाधिकारी यांना निवेदन

शहरातील सायकल ट्रॅकच्या कामात झालेल्या भ्रष्टाचाराची सखोल चौकशीच्या मागणीसाठी भाई अमन यांचे जिल्हाधिकारी यांना निवेदन

कारवाई न केल्यास उग्र आंदोलन करण्याचा ईशारा

यवतमाळ प्रतिनिधी दि ४ जुलै -: शहरातील संविधान चौक ते इतवारा चौक पर्यंत सायकल ट्रॅकची निर्मिती करण्यात आली असून शहरातील प्रदूषण कमी होऊन सायकल चालविणाऱ्यांचे प्रमाण वाढावे या उद्देशाने सायकल ट्रॅक बनविण्यात आला आहे.

मात्र या सायकल ट्रॅकची निर्मिती करण्यासाठी नगर परिषदेच्या वतीने स्थायी समितीमध्ये या सायकल ट्रॅक साठी ठराव मंजूर केला की नाही याबद्दल शंका निर्माण होत आहे.

मात्र या सायकल ट्रॅकवर जवळपास 22 लाख खर्च झाल्याचे बोलल्या जात असून अवघ्या तीन महिन्यातच या 22 लाख रुपयांचा चुराडा झाला.कारण त्या सायकल ट्रॅक वर लावलेले प्लास्टिक पोल मोठ्या प्रमाणात तोडण्यात आले असून या सायकल ट्रॅकची निर्मितीचे कंत्राट कोण्या कंत्राटदाराला दिले.देखभाल दुरुस्ती करण्याची जबाबदारी कोणाची किंवा नगरपालिकेने प्लास्टिक पोल तोडणाऱ्यावर कारवाई केली का याबद्दल शंका निर्माण होत आहे.या संपूर्ण सायकल ट्रॅक निर्मितीच्या प्रक्रियेची चौकशी करून संबंधितावर गुन्हे दाखल करावे अशी मागणी भाई अमन वेलफेअर असोसिएशनच्या वतीने जिल्हाधिकारी यांना निवेदन सादर करण्यात आले कारवाई न केल्यास सात दिवसाच्या आत संबंधितांवर कारवाई न केल्यास उग्र आंदोलन करणार असल्याचा ईशारा भाई अमन यांनी यावेळी दिला.निवेदन देतांना भाई अमन,सुकांत वंजारी,मोनु डाॅन,नाजिम शेख,अजय ठाकुर आदी उपस्थित होते.