मिरगुडवंचा येथे शिबिराचे आयोजन
मिरगुडवंचा येथे शिबिराचे आयोजन
म मराठी न्यूज नेटवर्क
दिवाकर भोयर धानोरा प्रतिनिधी मो.9421660523
गडचिरोली/भामरागड : तालुक्यातील मिरगुडवंचा येथे गाव संघटनेच्या मागणीनुसार मुक्तीपथ अभियानातर्फे एक दिवशीय व्यसन उपचार शिबिराचे आयोजन करण्यात आले होते. या शिबिराच्या माध्यमातून एकूण 10 रुग्णांनी पूर्ण उपचार घेत दारूमुक्त होण्याचा निर्धार केला.
शिबिरात 10 रुग्णांवर औषोधोपचार करण्यात आला. दारूचे व्यसन हा एक मानसिक आजार आहे आणि तो उपचाराने बरा होतो. दारूची सवय सोडण्यासाठी तसेच यातून उद्भवणारा त्रास कमी करण्यासाठी उपचार घेणे आवश्यक आहे. दारूची सवय कशी लागते, शरीरावर कोणते दुष्परिणाम दिसतात, धोक्याचे घटक,नियमित औषोधोपचार घेणे आदींची माहिती देत साईनाथ मोहूर्ले यांनी समुपदेशन केले. यावेळी शिबीर संयोजक पुजा येल्लुरकर यांनी रुग्णांची केस हिष्ट्री घेतली. शिबिराच्या यशस्वीतेसाठी गाव भूमिया टेका दूर्वा, गावसंघटनेचे युवक रयनू दूर्वा, मादा दूर्वा, कुमटी महाका, राजू मट्टामी,लालू दूर्वा यांनी सहकार्य केले. शिबिराचे नियोजन मुक्तिपथ तालुका चमूने केले.
