देसाईगंज तालुका क्लिनिकमध्ये १३ रुग्णांवर उपचार.

""देसाईगंज तालुका क्लिनिकमध्ये १३ रुग्णांवर उपचार.""'

म-मराठी न्युज नेटवर्क.

प्रतिनिधी/दिवाकर भोयर

मो.९४२१६६०५२३.

गडचिरोली/देसाईगंज : स्थानिक तालुका कार्यालयात मुक्तीपथ अभियानाच्या वतीने दर बुधवारी व्यसन उपचार क्लिनिकचे आयोजन केले जाते. १० ऑक्टोबर रोजी आयोजित क्लिनिकला १३ रुग्णांनी भेट देऊन उपचार घेतला.

देसाईगंज शहरातील पोस्ट ऑफिसच्या मागे मुक्तिपथ तालुका कार्यालयात बुधवारी एकूण १३ रुग्णांनी भेट देऊन उपचार घेतला. यावेळी क्लिनिकमध्ये दारूचे व्यसन हा एक मानसिक आजार आहे आणि तो उपचाराने बरा होतो. दारूची सवय सोडण्यासाठी तसेच यातून उद्भवणारा त्रास कमी करण्यासाठी उपचार घेणे आवश्यक आहे. दारूची सवय कशी लागते, शरीरावर कोणते दुष्परिणाम दिसतात, धोक्याचे घटक, नियमित औषोधोपचार घेणे आदींची माहिती देत व्यसनी रुग्णांना प्राजु गायकवाड यांनी समुपदेशन केले. मुक्तीपथ तालुका कार्यालयांमध्ये ठराविक दिवशी क्लिनिकचे आयोजन केल्या जाते. दारूचे व्यसन सोडण्याची इच्छा असणा-या जास्तीत जास्त रुग्णांनी क्लिनिकला भेट देण्याचे आवाहन करण्यात आले आहे.