क्रांतिसूर्य महात्मा ज्योतिबा फुले व माई सावित्रीबाई फुले यांनी पहिली सुरू केलेल्या भिडेवाडा शाळेला राष्ट्रीय स्मारक घोषित करा

(बहुजन क्रांती मोर्च्यांच्या वतीने तहसीलदार यांना निवेदन

रितेश भोंगाडे/राळेगांव

ज्ञानाची गंगा दारोदारी पोहचविल्या जावी व संपुर्ण समाजव्यवस्था शिक्षित व्हावी हा उद्देश डोळ्यासमोर ठेवून क्रांती सूर्य ज्योतिबा फुले व सावित्रीबाई फुले यांनी पुणे येथे सुरु केलेली देशातील पहिली मुलींची शाळा ही राष्ट्रीय स्मारक म्हणून घोषित करावी अशी मागणी राळेगांव बहुजन क्रांती मोर्च्यांच्या वतीने दिं ७ सप्टेंबर २०२० ला तहसीलदार यांना दिलेल्या एका निवेदनातून करण्यात आली आहे.

१ जानेवारी १८४८ साली क्रांतिसूर्य महात्मा फुले व माई सावित्रीबाई फुले यांनी मुलीची पहिली शाळा काढली संपूर्ण आशिया खंडात पुणे येथील भिडेवाडा या ठिकाणी स्थापना झालेली पहिली मुलींची शाळा आहे. कुठलाही स्त्री पुरुष असा भेदभाव न राहता स्त्रियांना पुरुषांप्रमाणेच शिक्षण घेता या्वे यासाठी सावित्रीबाई फुलेनी भिडेवाडा येथून मुलीसाठी शिक्षणाची दारे खुले केली ज्या भिडेवाड्यातून स्त्री सक्षमीकरणासाठी पहिले पाऊल उचल्या गेले तो भिडेवाडा मात्र आज अत्यंत दयनीय अवस्थेत आहे. त्या करिता शासनाने भिडेवाडा हि जागा भुसंपादित करून त्या वास्तुस विकसित करून राष्ट्रीय स्मारक घोषित करावे अशी मागणी बहुजन क्रांती मोर्चा राळेगांव यांनी दिलेल्या निवेदनातून केली असून निवेदन देते वेळी भारत मुक्ती मोर्चा,बुद्धिष्ट इंटरनॅशनल नेट,छत्रपती क्रांती सेना, राष्ट्रीय आदिवासी एकता परिषद,राष्ट्रीय मुस्लिम मोर्चा,महात्मा फुले वाचनालय (राळेगांव ) भोई समाज संघटना,धोबी समाज संघटना,तेली समाज संघटना व इतर सामाजिक संघटनेने जाहीर समर्थन दिले असून यावेळी संघटनेचे सदस्य उपस्थित होते.